Álisher Kárimov «Jańa tolqyn-2014» baıqaýynda«Álııa» ánin oryndaıdy
ASTANA. QazAqparat - Qazaqstandyq ánshi Álisher Kárimov XIII jas ánshilerdiń halyqaralyq «Jańa tolqyn-2014» baıqaýynda 3 án oryndaıdy, olardyń biri - «Álııa», dep jazylǵan baıqaýdyń resmı saıtynda.
Búginde qatysýshylardyń barlyǵy ıÝrmalaǵa kelip, daıyndyqtaryna kirisip ketti. 23 shildede ótetin baıqaýdyń alǵashqy kúninde olar kórermen nazaryna álemdik hıtti usynady. 24 shildede óz elderindegi tanymal ánderdi oryndaıdy. Al úshinshi kúni, 26 shildede, aıtylmaǵan ánderin shyrqaıdy.
«Baıqaý úshin repertýardy tańdaýyma álemdik ónerge degen mahabbat áser etip, «Pamıatı Karýzo» týyndysyn; otanyma, tarıhymyzǵa qurmet retinde - «Álııa» ánin tańdadym; zamanmen birge alǵa jyljýdy úshinshi ánimnen kóre alasyzdar», - deıdi Álisher.
Bıyl «Dzıntarı» kontserttik zaldyń sahnasynda 13 elden kelgen 16 qatysýshy baǵyn synaıdy.
Qazylar alqasynyń tóraǵasy - Reseıdiń halyq ártisi Igor Krýtoı. Baıqaýdaǵy qazylar alqasynyń qataryna: ánshi jáne kompozıtor Igor Nıkolaev; ataqty ánshi Laıma Vaıkýle; oryndaýshy jáne kompozıtor Leonıd Agýtın; Reseıdiń halyq ártisi, ánshi Valerııa; Reseıge eńbegi sińgen ártis Valerıı Meladze; kompozıtor jáne prodıýser Konstantın Meladze; Reseıdiń halyq ártisi, kompozıtor jáne prodıýser Fılıpp Kırkorov. Ótken jylǵy baıqaýda Qazaqstan namysyn ánshi ADAM qorǵaǵan bolatyn. 3 kúnniń qorytyndysy boıynsha ol 5-orynǵa ıe bolǵan. «Jańa tolqyn» baıqaýynyń basty maqsaty - daryndylardy anyqtaý. Ony uıymdastyrý ıdeıasy kompozıtorlar Igor Krýtoı men Raımond Paýlsta 2002 jyldyń basynda paıda bolǵan.
