Álisher Kárimov Qazaq handyǵynyń 550 jyldyǵyna arnap jańa beınebaıan túsirýde

ASTANA. QazAqparat - Tanymal ánshi Álisher Kárimov óziniń jańa beınebaıanyn Qazaqstan halqy Assambleıasynyń jyly men Qazaq handyǵynyń 550 jyldyǵyna arnaǵanyn málimdedi. Ol bul týraly óziniń Instagramm paraqshasynda jazǵan.

«Men dúnıedegi eń baqytty adammyn, sebebi álemniń eń keremet elinde ómirge keldim! Bizdiń elimizde 100-den astam ult pen ulys tatý-tátti, tynysh ómir súrýde. Taıaýda meniń súıikti Qazaqstanym týraly jańa vıdeom jaryqqa shyǵady. Men ony Qazaqstan halqy Assambleıasynyń jyly men Qazaq handyǵynyń 550 jyldyǵyna arnadym! Birligimiz jarasqan, kóz tımesin elime!» - dedi Álisher Kárimov.