Álisher Karımov karantın týraly: Ár azamat jaýapkershilikti sezinýi tıis

NUR-SULTAN. QazAqparat - Elimizdiń birqatar óńirinde epıdemıologııalyq ahýaldyń turaqsyzdanýyna baılanysty sanıtarlyq beketter qoıylyp, shekteý sharalary kúsheıtilýde. Osyǵan oraı tanymal qazaqstandyq estrada ánshisi Álisher Karımov el azamattaryn karantın sharalaryn saqtaýǵa ári jaqyndarynyń densaýlyǵyna jaýapkershilikpen qaraýǵa shaqyrdy, dep habarlaıdy QazAqparat tilshisi.

«Árıne, ataýly kúndi atap ótkiń-aq keledi. Biraq, qazir koronavırýspen aýyryp qalmaý úshin barlyq saqtyq sharalaryn saqtaǵan abzal. Barlyq toı-tomalaqty ýaqytsha shekteı turý qajet ekendigin túsinemiz. Jalpy, ózim qaı jerge barsam da maska taǵyp júremin. Al jastar ne isteýi qajet? Olar sabyr saqtap, oıyn-saýyqtan bas tarta turǵany jón. Qazirgi ýaqytta Eýropada, birqatar shetelde koronavırýs ınfektsııasynyń qaıta órshigeni baıqalady. Ár azamat ózine, óziniń, jaqyndarynyń densaýlyǵyna jaýapty bolýy tıs. Barlyq azamattardy sanıtaızer qoldanýǵa, maska taǵyp, ony birneshe márte aýystyryp otyrýǵa, áleýmettik araqashyqtyq saqtaýǵa shaqyramyn», - deıdi elimizdiń tanymal ánshisi.

Sonymen qatar ol el azmattaryn ata-analary men jaqyndary jaıynda oılaýǵa, bógde adamdarmen qarym-qatynasty barynsha shekteýge úndedi.

«Qazir onlaın kontsertke daıyndyq júrgizip jatyrmyn. Ázirshe úlken zalǵa tyńdarmanymdy jınaı almaımyn. Bul óte qaýipti. Óıtkeni, zalda eń aldymen ata-anam otyrady. Al bireý ınfektsııa alyp kelse ne bolmaq? Ata-analaryńyzdy, jaqyndaryńyzdy, ini-qaryndastaryńyzdy oılańyzdar. Olardy oılaǵan kezde birden baılanysty barynsha shekteýge tyrysasyń. Qudaı saqtasyn, bul ınfektsııasyny juqtyryp alsań, jaqyndaryńdy da aýyrtyp alýyń múmkin», - dedi Álisher Karımov.