«Álippe» kırıll qarpinde shyǵady – Bilim mınıstri

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov kelesi jyly oqý baǵdarlamasyna enetin «Álippeniń» qandaı qaripte jaryq kóretinin aıtyp berdi, dep habarlaıdy QazAqparat tilshisi.

«Bizdiń aldymyzda turǵan maqsat – osy «Álippemizdi» erterek oqý baǵdarlamasyna kirgizý. Latyn álipbıi boıynsha tıisti sheshim qabyldandy, bul sheshim boıynsha latyn álipbıine kóshý jumystary kezeń-kezeńimen ótetin bolady. Al bizge kelesi jyldan bastap, «Álippemen» oqı bastaý kerek. Sondyqtan, kelesi jyly qabyldanyp, engiziletin «Álippe» kırıll qarpinde bolady. Odan keıin mektepterde kezeń-kezeńimen latyn álipbıine kóshý jumysy bastalǵanda, árıne «Álippeni» de latyn qarpine kóshiremiz. Bul jalpy qıyn sharýa emes. Eń bastysy – baǵdarlama jáne oqýlyqtardyń mazmuny. Bul máseleler qazirgi ýaqytta sheshilip qoıǵan», - dep jaýap berdi Bilim mınıstri tilshi suraǵyna.

Aıta keteıik, bıyl tamyz aıynda QR Bilim jáne ǵylym mınıstri Ashat Aımaǵambetov mektep baǵdarlamasyna sáıkes, 1-synyptarǵa 1-2 toqsan «Álippe», 3-4 toqsan «Ana tili» engiziletinin aıtqan edi.

«Álippeni» engizý 2021-2022 oqý jylyna josparlanyp otyr.