Alyp adam hám altynǵa qadam: Powerful nomad tuńǵysh jeńimpazdary kimder
ASTANA. KAZINFORM – Dúnıejúzilik kóshpendiler oıyndarynyń baǵdarlamasyna alǵash ret engizilgen Powerful nomad sportynyń júldegerleri anyqtaldy. Bul jarystyń tuńǵysh jeńimpazdary retinde tarıhqa esimi jazylatyn sportshylar kimder?
Jarys erejesine sáıkes, sportyshlar bes kezeń boıynsha kil myqtyny anyqtady. Atap aıtsaq, 100 keli tasty kóterip, ony 10 metrge jyljytý; 100 kelilik qappen otyryp turý; 10 kelilik naızany oń nemese sol qolmen 10 metr qashyqtyqta turǵan nysanaǵa laqtyrý; 130 kelilik bóreneni ıyǵyna salyp, otyryp turý jáne salmaǵy 200 keli arbany 10 metrge súıreý boıynsha úzdikter anyqtaldy.
Jarystyń tartysty ótkeni sonshalyq, bir kezeńde úzdik shyqqan sportshy kelesi kezeńde kósh sońynda qalyp qoıdy. ıAǵnı, ár sportshynyń oń jambasyna keletin kezeńder boldy.
Dese de, ár kezeńde upaıdan shashaý shyǵarmaǵan qazaqstandyq Azamat Maqulbekov 136 upaı enshilep, Powerful nomad sportynyń tuńǵysh chempıony atandy. Eki upaıǵa kem jınaǵan (134) Iran sportshysy Reza Geıtası kúmispen kúpteldi. Al reseılik Denıs Vagapov (118 upaı) qolaǵa qol jetkizdi.
