Alına Daýranova Álem kýboginiń altyn medalin jeńip aldy
ASTANA. QazAqparat - Qazaqstandyq konkımen júgirýshi Alına Daýranova Germanııanyń Intsel qalasynda ótip jatqan jasóspirimder arasyndaǵy álem kýboginiń fınalynda altyn medal jeńip aldy, dep habarlaıdy QazAqparat.
Mádenıet jáne sport mınıstrliginiń málimetinshe, ol 1000 metr qashyqtyqty 1 mınýt 17,98 sekýndta júrip ótti. Bul nátıje oǵan birinshi orynǵa shyǵýǵa múmkindik berdi.
Nıderlandydan kelgen sportshy Pen Hersman kúmis medal ıelendi, al ıtalıandyq Serena Parker úshtikti túıindedi.
«Budan bólek, Alına Daýranova 1000 metr qashyqtyqta jalpy esepte jeńimpaz atandy. Dál osy qashyqtyqta jalpy esepte qazaqstandyq Nıkıta Vajenın úzdik nátıje kórsetti», - dep jazdy vedomstvodan.
Aıta keteıik, jarysqa 28 elden 218 sportshy qatysýda.
Konkımen júgirýden jasóspirimder arasyndaǵy álem kýbogy 5 aqpanda aıaqtalady.
