Alına Chıstıakova jeńil atletıkadan Azııa chempıony atandy
ASTANA. KAZINFORM - Qazaqstandyq Alına Chıstıakova Qytaıdyń Tıantszın qalasynda ótip jatqan jabyq keshendegi jeńil atletıkadan Azııa chempıony atandy.
Otandasymyz qurlyqtyq birinshilikte bessaıystan qytaılyq sportshylardy artta qaldyrdy
1. Alına Chıstıakova (Qazaqstan) - 4181 upaı (PB)
2. Sıýı Tszıahýan (Qytaı) - 4091
3. Ý Chjen (Qytaı) - 4013.
Aıta ketsek, buǵan deıin el quramasynan Nora Djerýto jeńis tuǵyrynyń úshinshi satysyna kóterildi. Ol 1500 metr qashyqtyqqa júgirýden qola medal jeńip aldy.
Qurlyqtyq doda 6-8 aqpan kúnderi ótkiziledi. Oǵan Asian Athletics quramyna kiretin 24 eldiń sportshylary qatysady.
Jarys baǵdarlamasyna erler men áıelder arasynda 26 sport túri engizilgen. Olardyń qatarynda júgirý jáne kedergiler arqyly júgirý, 4×400 m estafetasy, sekirý túrleri, ıadro serpý jáne kópsaıys (jetisaıys) bar.
Qazaqstan quramasy chempıonatqa myqty ári básekege qabiletti qurammen attanady. Kóptegen sportshylar irikteý normatıvterin senimdi túrde oryndady.
Ulttyq qurama kóshbasshylary qatarynda Davıd Efremov, Olga Safronova, Nadejda Dýbovıtskaıa jáne Krıstına Ovchınnıkova, Nora Djerýto, Marııa Efremova, Mıhaıl Lıtvın men Elnor Mýhıtdınov, Marııa Shývalova men Mılana Zýbareva syndy úzdikter bar.
Eske salsaq, aqpan aıynda Óskemende jeńil atletıkadan halyqaralyq týrnır ótedi.
