Alına Ádilhanova kórkem gımnastıkadan Azııa chempıonatynda eki kúmis júlde aldy
TAShKENT. QazAqparat - Ózbekstan astanasy Tashkentte kórkem gımnastıkadan lıtsenzııalyq Azııa birinshiligi ótip jatyr. Jarysqa Qazaqstan atynan Alına Ádilhanova men Adılıa Tilekenova qatysty, dep habarlaıdy QazAqparat Olympic.kz-ke silteme jasap.
Shyǵyrshyqpen jattyǵýda Alına 23.05 upaımen kúmis medal ıelendi. Bul baǵdarlama boıynsha ózbekstandyq Tahmına Ikromova top jarsa, qola júldeni qytaılyq ıAtıng Jao jeńip aldy.
Doppen jattyǵýda da Ádilhanova altynǵa qol sozym jerden toqtady. Ol 23.70 upaımen kúmisti qanaǵat tutty. Altyn medaldi ózbekstandyq Ekaterına Fetısova, qolany Ońtústik Koreıa ókili Cheon Kım enshilegen.
Adılıa Tilekenova shyǵyrshyqpen jattyǵýda 5-shi, doppen jattyǵýda 6-shy oryn ıelendi.
