Álimhanuly meksıkalyqpen tıtýldyq jekpe-jek aldynda salmaq ólsheýden ótti
NUR-SULTAN. QazAqparat - Keshe Los-Andjeleste Vasılıı Lomachenko (12-1, 9 KO) - Entonı Krolla (34-6-3, 13 KO) boks keshine arnalǵan salmaq ólsheý rásimi boldy, dep habarlaıdy QazAqparat Sports.kz-ke silteme jasap.
Osy boks keshinde qazaqstandyq kásipqoı boksshy Jánibek Álimhanuly (5-0, 2 KO) da kezekti jekpe-jegin ótkizedi.
Boksshy Instagram paraqshasynda jekpe-jekke daıyn ekendigin jazdy.
«Ózimniń boks tarıhymda 160 fýntta salmaqqa birinshi ret tústim. Esh qınalmadyq. Densaýlyq ta kóńil kúı de tamasha. Bul meniń salmaǵym! Buıyrtsa erteń jekpe-jek. Saqadaı saımyz!», - dep jazdy ol.
Jánibektiń qarsylasy - tájirıbeli meksıkalyq Krıstıan Olıvas (16-4, 13 KO). Boksshylar orta salmaqtaǵy WBO Global jáne WBC Continental Americas belbeýlerin sarapqa salady.
Álimhanulynyń salmaǵy talapqa saı dál 160 fýnt boldy. Olıvas odan sál jeńilirek - 159,2 fýnt.
Kezdesý Staples Center arenasynda ótedi. Ony qazaqstandyqtar 13 sáýir kúni Nur-Sultan ýaqytymen tańǵy 07:00-den bastap «Qazsport» telearnasynan tikeleı efırden kóre alady.
