Alımenttik jáne nesıelik qaryzy barlarǵa qumar oıynǵa bás tigý quqyǵy shekteledi
ASTANA. KAZINFORM – Qaryzy bar azamattardyń qumar oıynǵa bás tigý quqyǵy shekteledi. Bul týraly Parlament Májilisinde oıyn bıznesi týraly zań jobasyn tanystyrý kezinde Májilis depýtaty Elnur Beısenbaev aıtty.
«Ótelmegen alımenttik jáne nesıelik qaryzy bar azamattardyń qumar oıynǵa bás tigý quqyǵy shekteledi. ıAǵnı boryshkerlerdiń biryńǵaı reestrinde málimetteri bar 25 jasqa deıingi jeke tulǵalardy qumar oıyndarǵa jáne bás tigýge jiberýge tyıym salý belgilenedi», - dedi E. Beısenbaev.
Depýtat qaryzdary bar adamdardyń tıisti tizimi qamtylǵan saıt bar ekenin eske saldy.
«Máselen, bankke baryp, nesıe rásimdeý kezinde ár adamnyń kredıt alý derekteri qarastyrylady. Dál solaı boryshkerler týraly aqparat júıede bar. Qaryzy bar adam óziniń kartasy (qumar oıynǵa) arqyly tólem jasamaq bolsa, onyń tólemderine shekteý qoıylady», - dedi ol.
Budan buryn habarlanǵandaı, búgin Parlament Májilisinde «Qazaqstan Respýblıkasynyń keıbir zańnamalyq aktilerine oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» zań jobasy tanystyryldy.
