Alımentti tólemeýden «rekord» jasady
ASTANA. QazAqparat - Pavlodar oblysy Sharbaqty aýdandyq sotynda Jylybulaq aýylynyń turǵynyn qatysty ákimshilik is qaraldy. Onyń óz ulyna alıment tólemeı júrgenin biraz ýaqyt boldy. Al qaryzdyń jalpy somasy bir mıllıon teńgege jýyqtady, dep habarlaıdy QazAqparat tilshisi.
Sot materıaldaryna sáıkes, L. esimdi azamat eki jyldan astam ýaqyt boıy alımentti tóleý týraly sot sheshimin oryndamaı keledi. Al qaryz 873 542 teńgege jetken. Sot oryndaýshylary oǵan birneshe ret eskertý jasady. Alaıda aıyptalýshy óz mindetin atqarmaı keldi. Sot otyrysy kezinde tártip buzýshy óz kinásin tolyǵymen moıyndady. Ol alıment tóleýden bas tartpaıtynyn jetkizdi. Qazirgi kezde jumys izdep júr. Jumysqa turǵannan keıin alıment boıynsha barlyq bereshegin óteımin dedi.
«Degenmen, sot L. esimdi azamatty Ákimshilik quqyq buzýshylyq týraly kodekstiń 669-baby boıynsha kináli dep tanyp, 3 táýlikke qamaýǵa alý jazasyn taǵaıyndady», - delingen sottyń resmı habarlamasynda.
