Alıment tóleýden jaltaryp júrgen ákelerdi anyqtaýǵa qatysty aktsııa júrgizildi

ASTANA. 3 qyrkúıek. QazAqparat - QR Ádilet mınıstrligi Sot aktilerin oryndaý komıteti «Bilim kúni» qarsańynda, ıaǵnı 25 tamyz ben 1 qyrkúıek aralyǵynda «Áke, alıment tóleshi!» degen atpen aktsııa ótkizdi. Aktsııa barysynda elimizdiń barlyq oblystary men Astana jáne Almaty qalalarynda alıment tóleýden jaltaryp júrgen kókek ákelerge qatysty belsendi jumys júrgizildi. Bul týraly atalǵan komıtettiń baspasóz qyzmetinen habarlandy.

2013 jyldyń 28 tamyzyna deıin alıment óndirýge baılanysty respýblıka boıynsha 189 733 atqarý qujaty oryndaýda bolǵan. Jyl basynan alıment óndirýge baılanysty 38 223 atqarý qujaty kelip túsken.

«Aktsııa kezinde 6677 atqarý óndirisi naqty oryndalǵan. 296 boryshker «Jumyspen qamtý» ortalyǵymen birlese jumysqa ornalasýǵa baǵyttaldy. Sonymen qatar «BÚRKІT» bazasy boıynsha 1309 boryshkerge QR aýmaǵynan shyǵýǵa ýaqytsha shekteý qoıylǵan», - delingen taratylǵan málimette.

412 boryshkerdiń múlkiniń tyıym salyndy. 266 boryshker QR Ákimshilk quqyqbuzýshylyq kodeksiniń 542,521,525-babynyń 1-tarmaǵy boıynsha jaýapqa tartyldy. Munymen qosa izdeýdegi 61 boryshker tabyldy.