Alıment tóleýden jaltarý: Aqmola oblysynda 2 qylmystyq is qozǵaldy
ASTANA. KAZINFORM – Aqmola oblysynda kámeletke tolmaǵan balalardyń quqyǵy qorǵaldy.

Bulandy aýdany prokýratýrasynyń bastamasymen alıment tóleýden jaltarý boıynsha 2 qylmystyq is qozǵalyp, onyń biri sotqa jiberildi. Aýdan prokýratýrasy boryshkerdiń alıment tóleýge naqty múmkindigi bola tura (JShS dırektory), óz mindetterin oryndaý úshin sharalar qabyldamaı, uzaq ýaqyt áreketsiz bolǵanyn anyqtady. Nátıjesinde boryshkerdiń qaryzy 4,5 mln teńgeden asty.
Іs sotqa jiberilgennen keıin ǵana boryshker tolyq shyǵyndy ótep, is boıynsha óndiris toqtatyldy.
– Alıment jónindegi mindetterin úsh aıdan astam oryndamaǵany úshin eki jylǵa deıingi merzimge bas bostandyǵynan shekteýge nemese sol merzimge bas bostandyǵynan aıyrý túrindegi jazaǵa tartylatyndyǵyn eske salamyz, - delingen oblys prokýratýrasy baspasóz qyzmetiniń habarlamasynda.
ShQO-da bir aı boıy izdeýde júrgen alaıaq Aqmola oblysynda ustalǵan edi.