Alıment tóleýden jaltaryp júrgen ózbekstandyqtarǵa endi nesıe berilmeıdi
TAShKENT. KAZINFORM – 1 mamyrdan bastap Ózbekstanda alıment boıynsha qaryzy bar azamattar keıbir qarjylyq jáne memlekettik qyzmetterdi paıdalana almaıdy, dep habarlaıdy Kazinform agenttiginiń Tashkenttegi menshikti tilshisi.
Ádilet mınıstrliginen málim etkendeı, boryshkerlerge qaryzyn tolyq ótegen ýaqytqa deıin nesıe berilmeıdi.
Sonymen qatar eger alımet boıynsha bereshegi bar azamat qaıtys bolsa nemese habar-osharsyz ketse, onda memlekettik oryndaýshy isti jabýǵa quqyly bolady.
Eske sala keteıik, byltyr Ózbekstanda alıment boıynsha 70 myńǵa jýyq aryz túsken. Olardyń 30%-ǵa jýyǵy áli sheshimin tappaǵan.
Buǵan deıin habarlaǵanymyzdaı, Ózbekstanda otasqanyna bir jyl tolmaǵan erli-zaıyptylardyń ajyrasýyna shekteý engizilmek.
