Alıment tóleýden jaltarǵan elordalyq Toyota Prado-synan aıyryldy
NUR-SULTAN. QazAqparat - Nur-Sultan qalasynyń sot oryndaýshylary balalaryna alıment tóleıden jaltaryp júrgen boryshkerdiń Toyota Land Cruiser Prado kóligin alyp qoıdy, dep habarlaıdy QazAqparat tilshisi.
2020 jyly shyǵarylǵan Toyota Land Cruiser Prado kóligin alyp qoıý kýágerlerdiń, Polıtsııa departamenti qyzmetkerleriniń, sonymen qatar elordanyń jeke sot oryndaýshysynyń qatysýymen ótti. Azamat A-nyń balasy alyndaǵy alıment qaryzynyń jalpy somasy 7 450 000 teńgeni quraıdy. Boryshker 2019 jyldan beri alıment tóleýden jaltaryp júrgen.
«Kólikti alyp qoıǵanǵa deıin azamat A sot oryndaýshysyna jumys ornynan 40 myń teńge jalaqy alatyndyǵy týraly anyqtama usynǵan. Osy oraıda 40myń teńge tabys taýyp otyryp 2020 jyly shyǵarylǵan Toyota Land Cruiser Prado markaly avtomobıldi qalaı satyp alýǵa , buǵan qosa óz balasyna qalaı alıment tólemeýge degen zańdy saýal týyndaıdy. Aıta keterligi mundaı kóliktiń naryqtaǵy baǵasy 28 mln teńgeden asyp jyǵylady», - dedi Nur-Sultan qalalyq jeke sot oryndaýshylary óńirlik palatasy basshysynyń orynbasary Madına Janasaeva.
Toyota Land Cruiser Prado kóligi arnaýly aıyp turaǵyna qoıyldy. Osydan keıin kólik quralyna baǵalaý júrgizilip, aýktsıonǵa satylymǵa shyǵarylady.
«Osylaısha, eń aldymen boryshker balasynyń aldyndaǵy qaryzyn óteıtin bolady»,- dedi ol.
