Alıment tóleýden jaltarǵan 27 qostanaılyq qylmystyq jaýapqa tartyldy

QOSTANAI. QazAqparat – Jyl basynan beri Qostanaı oblysynda 16 myń kásipkerdiń quqyǵy qorǵalyp, memleket kirisine 3,7 mlrd teńgeden astam qarajat óndirildi. Sondaı-aq, balasyna alıment tóleýden jaltarǵan 27 boryshker qylmystyq jaýapqa tartyldy, dep habarlaıdy QazAqparat tilshisi.

«Áleýmettik-ekonomıkalyq salada quqyq qorǵaý fýnktsııalary jandandy, qadaǵalaý aktileri boıynsha 211 myń azamattyń, 16 myń kásipkerdiń quqyǵy qorǵaldy jáne memleket kirisine 3,7 mlrd teńgeden astam qarjy óteldi. Qadaǵalaý aktileri boıynsha 154,3 mln teńge óndirildi, 112 boryshker ákimshilik jaýapkershilikke tartyldy jáne QR Qylmystyq kodeksiniń 139-baby boıynsha alıment tóleýden jaltarǵany úshin 27 boryshker qylmystyq jaýapkershilikke tartyldy», - dep málim etti Qostanaı oblystyq prokýratýrasynyń baspasóz qyzmetinen.

Sonymen qosa, bıyl alǵashqy jartyjyldyqta Qostanaı oblysynda qylmys deńgeıi 18,1%-ǵa, al qaıtalap jasalǵan quqyq buzýshylyqtar sany 30%-ǵa qysqardy.