Alıment tólemeıtin ákeler úshin bos jumys oryndary jármeńkesi ótti
ASTANA. QazAqparat - Qaraǵandy oblysynyń sot oryndaýshylary alıment qaryzy bar boryshkerlerge bos jumys oryndarynyń jármeńkesin ótkizdi, dep habarlaıdy QazAqparat.
«Qaraǵandy oblysy Abaı aýdanynyń Topar kentinde «Alıment. Tólemeýge qarsy 30 qadam» jobasy aıasynda aýdan uıymdary, kásiporyndary jáne fermerlik sharýashylyqtardyń qatysýymen ótken bos jumys oryndarynyń jármeńkesine Abaı aýmaqtyq sot aktilerin oryndaýshylarynyń № 2 bólimi alıment bereshegi bar boryshkerlerdiń qatysýyn qamtamasyz etti», - delingen Qaraǵandy oblystyq ádilet departamentiniń baspasóz qyzmeti taratqan aqparatta.
Vedomstvo málimetinshe, is-sharanyń qorytyndysy boıynsha eki boryshker jumysqa turǵyzyldy.
Kórsetilgen is-shara qaraǵandylyq sot oryndaýshylarmen turaqty ótkizilýde.
