Alıment tólemeı júrgen SQO turǵynyn polıtseıler Reseıden tapty
PETROPAVL. QazAqparat – Soltústik Qazaqstan oblysynyń tártip saqshylary eki jyl boıy alıment tóleýden jaltaryp kelgen er adamdy Reseıdiń Omby qalasynan tapty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, mıgratsııalyq qyzmet basqarmasynyń mamandary úsh kúnniń ishinde alıment tóleýden jaltaryp júrgen jáne boryshker 13 adamnyń júrgen jerin anyqtady.
Boryshkerlerdiń biri Reseıdiń Omby qalasynan tabyldy. Ýálıhanov aýdanynyń 36 jastaǵy turǵyny 2018 jyldan beri balasyna alıment tólemegen. Ol jaıynda málimet qaryzdy óndirip alý úshin sot oryndaýshylaryna berildi.
«Іzdeýdegi adamnyń basqa memlekette júrgeni anyqtalǵan jaǵdaıda oǵan halyqaralyq izdeý jarııalanady. Boryshker júrgen elge ol jaıynda baǵyttama beriledi jáne izdeý sharalary joldanady», - deıdi SQO PD mıgratsııalyq qyzmet basqarmasynyń aǵa ınspektory Edil Qazıev.
Úsh kúnniń ishinde tártip saqshylary balalaryna qaryz 7 adamnyń jáne 5 boryshkerdiń, sondaı-aq týystarymen baılanys úzgen 1 adamnyń júrgen jerin anyqtady. Jambyl aýdany Ýkraınskoe eldi mekeniniń turǵyny eki jyldan artyq jıeninen habar almaǵan. Polıtseıler áıeldiń aryzy boıynsha er adamdy Petropavldan taýyp, oǵan aýyldaǵy týysynyń baılanys nómirlerin berdi.
Qazir SQO-da alıment tóleýden jaltarǵan 16 adam izdestirilip jatyr. Tártip saqshylary budan basqa 32 boryshkerge jáne týystarymen baılanysy úzililgen 17 adamǵa izdeý jarııalady.
