Oralda alıment tólemegender sotqa tartylyp, 416 balanyń quqyǵy qorǵaldy
ASTANA. KAZINFORM — 2025 jyly alıment óndirý boıynsha qabyldanǵan sharalardyń nátıjesinde balalardyń paıdasyna 734 mln teńge somada alıment óndirildi, dep habarlaıdy Oral qalasy prokýratýrasynyń baspasóz qyzmeti.
— Prokýratýranyń úılestirýimen alıment boıynsha 1 761 252 teńge bereshegi bar jáne ony tóleýden jaltarǵan, sonyń ishinde jumysqa ornalasýǵa sharalar qabyldamaǵan boryshker anyqtaldy. Kámeletke tolmaǵandardyń isteri jónindegi mamandandyrylǵan aýdanaralyq sotynyń úkimimen ol Qylmystyq kodekstiń 139-babynda kózdelgen qylmystyq quqyq buzýshylyqty jasaǵany úshin kináli dep tanylyp, bir jyl merzimge bas bostandyǵyn shekteý jazasyna sottaldy, — delingen habarlamada.
Jalpy, Oral qalasynda Qylmystyq kodekstiń 139-baby boıynsha 6 boryshker zań aldynda jaýap berdi.
Sonymen qatar, alıment óndirip alý týraly sot aktilerin oryndamaǵany úshin Ákimshilik quqyq buzýshylyq týraly kodekstiń 669-baby boıynsha 185 boryshker ákimshilik jaýaptylyqqa tartyldy.
Qabyldanǵan sharalardyń nátıjesinde 416 balalardyń quqyqtary qorǵaldy, sondaı-aq 288 boryshker jumyspen qamtamasyz etildi.
Budan buryn alıment tóleýden qashyp júrgen taksı júrgizýshileri jańa tásilmen anyqtalatyny belgili boldy.
