Alıment tólemegen atyraýlyq júrgizýshi quqyǵynan aıyryldy
ATYRAÝ. QazAqparat - Atyraý qalalyq sotynda alıment tólemeı júrgen azamatty júrgizýshi quqyǵynan ýaqytsha aıyrý týraly is qaraldy, dep habarlaıdy QazAqparat tilshisi.
«Sotqa tapsyrylǵan materıaldarda 2017 jyly er adam burynǵy áıeline balasyn asyraý úshin alıment tóleýge mindettelgeni jazylǵan. Biraq áke retinde ol sot aktisiniń talabyn oryndamaı, boryshtyń somasy jınala kele 1 mıllıon 320 myń teńgege jetken. Qaryzyn óteý úshin er adam eshteńe istemegen. Soǵan baılanysty sot jeke sot oryndaýshysynyń aryzyn qanaǵattandyryp, boryshkerdi qaryzyn ótegenge deıin júrgizýshi quqyǵynan aıyrýǵa sheshim shyǵardy», - delingen habarlamada.
Sottyń sheshimi zańdy kúshine endi, oryndaý úshin Atyraý oblystyq ІІD-ge jiberildi.
