Alıment tólemegen almatylyqtyń páteri tárkilendi
ALMATY. QazAqparat – Almatyda 2,3 mln teńge alıment tólemegen adamnyń páteri tárkilendi, dep habarlaıdy QazAqparat tilshisi.
Boryshkerdiń Abaı kóshesindegi páterine tyıym salynǵan bolatyn. Ol balasyna birneshe jyldan beri 2,3 mln teńge kóleminde alıment tólemegen.
«Áńgime barysynda jyljymaıtyn múlik ıesine qaryzdy jabý úshin páteri satylatyny aıtyldy»,- dedi qalalyq Ádilet departamentinen.
Satý-satyp alý kelisimsharty boıynsha páter 20 mln 484 myń teńgege satyldy.
«Tólem tapsyrysy boıynsha aryzdanýshyǵa 2 323 066 teńge berildi», - dedi departamentten. Qalǵan qarajat boryshkerge qaıtarylǵan.
