Alıment óndirýden bas tartqan sot oryndaýshysynyń áreketi zańsyz dep tanyldy
ASTANA. QazAqparat - Azamatsha A. atqarýshylyq is júrgizýdi qysqartý boıynsha Pavlodar oblysynyń Ádilet departamenti Ekibastuz aýmaqtyq bólimi sot oryndaýshysynyń áreketine shaǵymmen sotqa júgindi, óziniń talabyn 2016 jyldyń 2 qyrkúıeginde alımentti óndirip alý týraly atqarýshylyq is júrgizý materıaldarymen tanysý barysynda oǵan 2015 jyldyń 17 maýsymyndaǵy atqarýshylyq is júrgizýdi qysqartý týraly qaýly tabys etildi.
Atqarýshylyq is júrgizýdi qysqartý týraly ótinish sot oryndaýshynyń aıtýymen jazyldy. Naqty alǵanda boryshkerdiń alıment boıynsha úlken bereshegi bar jáne atqarý paraǵyn qaıtarý tek boryshker bankke jumysqa ornalasý úshin júzege asyrylǵan. Bul jaǵdaıdyń eshbir quqyqtyq saldary oǵan túsindirilmegen.
Ekibastuz qalalyq sotynyń 2016 jylǵy 4 qarashadaǵy sheshimimen atqarýshylyq is júrgizýdi qysqartý jáne atqarý qujatyn qaıtarý týraly Pavlodar oblysynyń Ádilet departamenti Ekibastuz aýmaqtyq bóliminiń is áreketine A.-nyń shaǵymy qanaǵattandyryldy.
Pavlodar oblysynyń Ádilet departamenti Ekibastuz aýmaqtyq bólimi sot oryndaýshysynyń áreketi zańsyz dep tanyldy.
Qyzy M.-ny asyraýǵa A.-dan alımentti óndirip alý týraly atqarýshylyq is júrgizýdi qysqartý týraly 2015 jylǵy 17 maýsymdaǵy Pavlodar oblysynyń Ádilet departamenti Ekibastuz aýmaqtyq bólimi sot oryndaýshysynyń qaýlysynyń kúshi joıyldy.
Pavlodar oblysynyń Ádilet departamenti Ekibastuz aýmaqtyq bóliminiń basshysy jiberilgen buzýshylyqtardy túzetýge mindetti.
Sot sheshimi zańdy kúshine endi.
