Alık Shpekbaev tártip buzǵan qyzmetkerin jumystan shyǵardy
ASTANA. QazAqparat - Memlekettik qyzmet isteri jáne jemqorlyqqa qarsy is-qımyl agenttigi tóraǵasy Alık Shpekbaevtyń blogyna Batys Qazaqstan oblysynda qyzmettik avtokólik júrgizýshisiniń jol erjesin óreskel buzýyna qatysty shaǵym tústi, dep habarlaıdy QazAqparat.
Ulttyq bıýro málimetinshe, agenttik basshysynyń atyna túsken shaǵymǵa tirkelgen vıdeo materıalda «001NB07» memlekettik nómirli qyzmettik kóliktiń joldyń qarsy betine shyǵyp jol qozǵalysy erejesin óreskel buzǵany baıqalady. Osyǵan baılanysty shaǵymdanýshy Alık Shpekbaevtan júrgizýshige shara qoldanýdy ótingen.
«Agenttik tóraǵasy blogyna kelip túsken shaǵymdardy jeke ózi qadaǵalap otyrady. Bul shaǵym qysqa ǵana ýaqyttyń ishinde qaraldy. Vedomstvo basshysynyń tapsyrmasymen materıal talap etý arqyly alynyp, qyzmettik tekserý júrgizildi. Nátıjesinde atalǵan kóliktiń Sybaılas jemqorlyqqa qarsy is-qımyl ulttyq bıýrosy Batys Qazaqstan oblystyq departamentine tirkelgeni anyqtaldy»,- delingen taratylǵan aqparatta.
Júrgizýshige qatysty qyzmettik tekserý barysynda BQO ІІD Jergilikti polıtsııa qyzmetiniń qyzmetkerleri onyń ústinen ákimshilik materıal toltyrǵan.
Sondaı-aq, Oral qalalyq mamandandyrylǵan ákimshilik soty júrgizýshini ákimshilik jaýapkershilikke tartyp, kólik júrgizý quqyǵyn 1 jylǵa shektegen.
«Qazirgi ýaqytta avtomobıl júrgizýshisi jumystan shyǵaryldy»,- dep habarlady Ulttyq bıýro.
