Alık Shpekbaev: Satyp alýdaǵy jemqorlyq problemasynyń irgeli sheshimi - tsıfrlyq teńge

NUR-SULTAN. QazAqparat – Tsıfrlyq teńgeni tez arada engizý – satyp alýdaǵy jemqorlyq problemasynyń irgeli sheshimi. Bul týraly QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Tájirıbe kórsetkendeı, satyp alý salasy kóleńkeli ekonomıkany jandandyratyn jáne jemqorlyq týdyratyn salanyń biri. Sondyqtan Ulttyq palatamen («Atameken» UKP) birlesken jumystyń taǵy bir baǵyty - bıýdjetti qalyptastyrý kezinde de, ony ıgerý kezinde de baǵa komplaensin engizý. Jasyratyny joq, kóbinese bıýdjetke salynatyn baǵalar jemqorlyq múddeleri úshin ádeıi qymbattatylady. Osyǵan oraı biz naqty baǵalar men iske asyrylǵan sharttar negizinde qandaı da bir satyp alýdyń bıýdjetin qalyptastyrýdy usynamyz. Bul satyp alynatyn taýarlardyń, jumystar men qyzmetterdiń bıýdjetin «ulǵaıtýǵa» múmkindik bermeıdi. Osylaısha, úlestes kompanııalardyń baǵa usynystary negizinde bıýdjettik josparlaý artta qalady», - dedi Alık Shpekbaev agenttiktiń alqa otyrysynda.

Agenttik basshysy oryndalǵan jumystardyń jalǵan aktilerine qol qoıý problemasyn sheshý úshin olardy egjeı-tegjeıli jarııalaý, sondaı-aq tapsyrys berýshilerdiń ony mysaly 3 kúnnen aspaıtyn merzimde qaraýyn engizý usynylatyndyǵyn aıtty. Bul bir ǵana maqsatty kózdeıtin aktilerge qol qoıýdy qasaqana keıinge qaldyrý múmkindigin edáýir qysqartatyndyǵyna nazar aýdartty.

«Tsıfrlyq teńgeni tez arada engizý – satyp alýdaǵy jemqorlyq problemasynyń irgeli sheshimi, bul bıýdjet qarajatyn ıgerýdiń búkil protsesin qadaǵalaýǵa múmkindik beredi, «qolma-qol aqsha» shemalaryn jáne jalǵan kásiporyndar qurýdy toqtatady», - dedi ol.