Alık Shpekbaev: Parany basshy ashkózdikten, qarapaıym maman qajettilikten alady - ádil pikir

NUR-SULTAN. QazAqparat - Basshy parany ashkózdikten, qarapaıym maman qajettilikten alady degen qoǵamdyq pikir ádil bolyp kórinedi. Bul týraly búgin QR Sybaılas jemqorlyqqa qarsy is-qımyl agenttiginiń alqa májilisinde vedomstvo basshysy Alık Shpekbaev aıtty, dep habarlaıdy QazAqparat tilshisi.

Agenttik basshysy óz sózinde Sıngapýr, Gonkong, Eýropa sııaqty sybaılas jemqorlyq deńgeıi tómen elderde jalaqy kólemin túbegeıli arttyrý sybaılas jemqorlyqty joıýdyń negizgi sharty bolǵanyn, memlekettik apparatqa joǵary bilikti kadrlardyń kelýin qamtamasyz etkenin mysalǵa keltirdi.

«Qazaqstannyń qazirgi shynaıy ómirine oralsam, sońǵy 5 jylda sybaılas jemqorlyq úshin qylmystyq jaýapkershilikke tartylǵandardyń 75 paıyzy – bular jalaqysy tómen orta jáne tómengi býyndaǵy memlekettik qyzmetkerleri. Osy oraıda basshylar parany ashkózdikten, al qarapaıym maman qajettilikten jáne tyǵyryqqa tirelgendikten alatyndyǵy týraly qoǵamdyq pikir barynsha ádil bolyp kórinedi», - dedi A.Shpekbaev.

Eske salsaq, buǵan deıin Shpekbaev memqyzmetshilerdiń jalaqysyn 2 ese kóterý múmkindigi týraly aıtqan bolatyn.