Alık Shpekbaev otandyq TOP-50 kompanııany komplaens-qyzmet engizýge shaqyrdy

NUR-SULTAN. QazAqparat – Qazaqstannyń iri jeke uıymdarynda komplaens-qyzmetter qurý jumysy bastalady. Bul týraly QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev aıtty, dep habarlaıdy QazAqparat tilshisi.

«Kvazımemlekettik sektorda sybaılas jemqorlyqqa qarsy komplaens ınstıtýtyn odan ári damytý maqsatynda Prezıdent janyndaǵy Memlekettik basqarý akademııasy men «Samuryq-Qazyna» korporatıvtik ýnıversıteti bazasynda bilim berý jáne ádisnamalyq súıemeldeý bastalady. Komplaens-ofıtserler ulttyq kompanııalarda sybaılas jemqorlyqqa qarsy aldyn alý jumysynyń sapasyn arttyrýǵa múmkindik beretin keshendi semınarlarǵa qatysady», - dedi Alık Shpekbaev agenttiktiń alqa otyrysynda.

Osy rette agenttik basshysy elimizdegi iri jeke uıymdarda komplaens-qyzmetter qurý bastalatynyn aıtty.

«Sonymen qatar, biz Qazaqstannyń iri jeke uıymdarynda komplaens-qyzmetterdi qurý boıynsha jumysty bastaımyz. TOP-50 otandyq kompanııanyń menshik ıelerin osy ınstıtýtty engizýge shaqyramyn», - dedi Alık Shpekbaev.