Alık Shpekbaev mınıstrlerge jemqorlyqty ashyp aıtýdy usyndy

ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev sybaılas jemqorlyqqa qatysty máseleni ashyq moıyndaǵan Qorǵanys mınıstriniń áreketinen úlgi alýdy basqa organdardyń basshylaryna usyndy, dep habarlaıdy QazAqparat.

«Agenttiktiń sybaılas jemqorlyqqa qarsy kózqarasty qalyptastyrý boıynsha jumysy óz nátıjesin berýde, alaıda, bul protseste mańyzdy róldi barlyq memlekettik organdar da atqarýy qajet.

Memleket basshysy atap aıtqandaı, sybaılas jemqorlyqqa qarsy kúresti kúsheıtý máselelerinde basshylardyń jaýapkershiligin arttyrý mańyzdy. Osy rette, keshe áskerı qyzmetkerlerge Qazaqstannyń qarýly kúshterinde sybaılas jemqorlyqqa jol bermeý týraly úndeý joldaǵan Nurlan Ermekbaevty qoldaǵym keledi», dep jazdy Alık Shpekbaev Feısbýktegi paraqshasynda.

Onyń aıtýynsha, elimizde ekinshi jyl qatarynan sybaılas jemqorlyq oqıǵalary tómendep kele jatyr, alaıda soǵan qaramastan, mınıstr (Qorǵanys mınıstri - avt.) kótergen máseleler barlyq kúshtik qurylymdar úshin áli de ózekti bolyp otyr eken.

«Máseleni ashyq moıyndaý jáne ony joıý týraly nıet - jetistikke qol jetkizýdiń mańyzdy bóligi bolyp tabylady. Basqa basshylarǵa qorǵanys mınıstriniń áreketin nege úlgi retinde almasqa!?», dedi agenttik tóraǵasy.