Alık Shpekbaev memlekettik qyzmetshiler arasyndaǵy básekelestik týraly aıtty
«Yntalandyrý sharalary men jalaqyny kóterý arqasynda memlekettik qyzmetshilerdiń jumysynda turaqtaýy ósti. Sonymen qatar olardyń arasynda básekege qabilettilik artty», - dedi Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Elbasy Nursultan Nazarbaevtyń Qazaqstan halqyna arnalǵan Joldaýy barysynda.
Onyń sózine qaraǵanda, memlekettik qyzmetshilerdiń eńbekaqasy 2-2,5 esege artty.
«Ońtaılandyrýdy esepke ala otyryp, úshten bir bólikke qyzmettik keńseler aýmaǵy qysqarýy yqtımal. Biz birneshe memlekettik qurylymdardy ońtaılandyrýymyz kerek, ásirese aýdandarda bir ǵımaratqa ornalastyrý boıynsha. Qazirgi ýaqytta olar eldi mekenderdiń ár jerinde ornalasqan. Sondyqtan ǵımarattardy kútip, ustaýǵa qomaqty qarjy jumsalady», - dedi Shpekbaev.
Óz kezeginde Elbasy Nursultan Nazarbaev bul baǵyttaǵy sharalar memlekettik qarjyny únemdeýge alyp keletinin atap ótti. Sonymen qatar Prezıdent qyzmetinen qysqaryp qalǵandardy da nazardan tys qaldyrmaı, jumysmen qamtylýyna qoldaý jasaý kerektigin tapsyrdy.
