Alık Shpekbaev: Kóptegen damyǵan elder reformany polıtsııadan bastaǵan
Aıta ketsek, búgin Іshki ister mınıstri Erlan Turǵymbaev pen Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń basshylyǵymen, sondaı-aq qoǵam ókilderiniń qatysýymen arnaıy keńes ótti. Basqosýda ІІM-gin reformalaýdyń Jol kartasy negizinde ázirlengen quqyq qorǵaý organdaryndaǵy jemqorlyqpen kúres máseleleri jónindegi 2019-2020 jyldarǵa arnalǵan is-sharalar Jospary jobasy talqylandy.
«Kóptegen damyp ketken memleketter reformany quqyq qorǵaý organdarynan, polıtsııadan bastaǵan. Eń birinshiden, jemqorlyqty azaıtý máselesin eńserýde qoǵamnyń belsendi azamattary kirisse, bir nátıjege qol jetkizýge bolady. Elbasynyń saıası jigeriniń arqasynda birshama ıgi isterdiń atqarylǵanyn aıta ketý kerek. Qoǵam belsendileriniń, monıtorıngtik toptardyń jumysynyń arqasynda jumysymyzda naqty nátıje bar. Sońǵy eki jylda Qazaqstanda sybaılas jemqorlyqtyń deńgeıi 23 paıyzǵa tómendedi», - dedi Alık Shpekbaev.
Alıek Shpekbaev óz sózinde Іshki ister mınıstrligin reformalaýdyń Jol kartasy negizinde ázirlengen quqyq qorǵaý organdaryndaǵy jemqorlyqpen kúres máseleleri jónindegi 2019-2020 jyldarǵa arnalǵan is-sharalar jospary týraly sóz qozǵap, bul rette qoǵam belsendilerinen naqty ári utymdy usynystar túsetinine senim bildirdi.