Alık Shpekbaev qoǵamdyq birlestiktiń nomınatsııasynda «Jyl tulǵasy» atandy
«5 qańtarda ótken «Uly dala qyrandary» respýblıkalyq qoǵamdyq birlestigi otyrysynyń sheshimimen «Jyl tulǵasy» nomınatsııasy QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa berildi», delingen habarlamada.
2011 jyly qurylǵan qoǵamdyq birlestiktiń nomınatsııalary memleket qaıratkerleri men shyǵarmashylyq ıntellıgentsııa ókilderiniń eldiń mádenı jáne áleýmettik-saıası ómirindegi eleýli jetistikteri úshin beriledi.
Qoǵamdyq birlestiktiń tóraǵasy Sádibek Túgeldiń aıtýynsha, A.Shpekbaev «Halyq únine qulaq asatyn memleket» tujyrymdamasyna sáıkes qala, aýdan, aýyldyq ákimdikterdi servıstik úlgige tolyǵymen kóshirýdegi qomaqty úlesi, memlekettik qyzmetterdi tsıfrlandyrýǵa belsene qatysý, memlekettik apparattyń ashyqtyǵy men tutynýshyǵa baǵdarlanýyn qamtamasyz etýge baǵyttalǵan respýblıkalyq «Adaldyq alańy» jobasyn nasıhattaý, qoǵam pen memleket arasyndaǵy dıalog alańyna aınalǵan «Antikor Ortalygyn» ashý, sonymen qosa sybaılas jemqorlyqqa qarsy jańa zańnamalardy iske asyrý jáne t.b. birqatar bastamalary úshin marapattalǵan.
Osyǵan deıin bul nomınatsııaǵa Elbasy – Tuńǵysh Prezıdent Nursultan Nazarbaev, Jambyl oblysynyń ákimi Berdibek Saparbaev jáne t.b tanymal aqyn-jazýshylar ıe bolǵan.
