Alık Shpekbaev: Qoǵam belsendi aralaspasa, sybaılas jemqorlyqty joıý múmkin emes
Іs-sapar aıasynda agenttik tóraǵasy Taldyqorǵandaǵy Saltanat saraıy ǵımaratynda qoǵammen, blogerlermen, bıznes-qoǵamdastyqpen jáne BAQ ókilderimen ashyq dıalogqa negizdelgen kezdesý ótkizdi.
Іs-shara maqsaty Prezıdenttiń «Halyq únine qulaq asatyn memleket» tujyrymdamasyn iske asyrý sheńberinde azamattyq qoǵammen syndarly dıalog qurý.
Alık Shpekbaev búginde qoǵamnyń belsendi qatysýynsyz sybaılas jemqorlyqty azaıtý, joıý múmkin emes ekenin atap ótti. Sondyqtan búginde árbir azamat, árbir qoǵam qaıratkeri, onyń ishinde blogerler men jýrnalıster parasat ıdeologııasyn ilgeriletýde jáne jalpy sybaılas jemqorlyqqa qarsy saıasatty iske asyrýda erekshe ról atqarady.
Kezdesý barysynda agenttik tóraǵasy sybaılas jemqorlyqqa qarsy bastamalar men agenttiktiń 2020 jyldyń 9 aıyndaǵy qyzmetiniń negizgi nátıjelerimen tanystyrdy.
Atap aıtqanda, Alık Jatqambaıuly qatysýshylarǵa Memleket basshysynyń sybaılas jemqorlyqqa qarsy reformalarynyń úsh paketin jetkizdi.
Memlekettik apparattyń ashyqtyǵy men aıqyndyǵyn qamtamasyz etýge baǵyttalǵan transformatsııalyq protsestermen, bıýdjet shyǵystaryn ońtaılandyrý jónindegi aldyn alý jumysynyń nátıjelerimen, sondaı-aq parasat ıdeologııasyn ilgeriletý jónindegi jańa tásildermen tanystyrdy.
«Ashyq dıalog» túrindegi kezdesý formatyn eskere otyryp, qatysýshylar sybaılas jemqorlyqqa qarsy saıasatty iske asyrý máseleleri boıynsha, onyń ishinde qoǵamdy saıası jańǵyrtý jáne demokratııalandyrý prızmasy arqyly óz pikirin bildire aldy.
Іs-shara barysynda aıtylǵan barlyq máseleler boıynsha agenttik tóraǵasy túsinikteme berip, birqatar ótinish pen usynysty baqylaýyna aldy.
