Alık Shpekbaev Feısbýktegi paraqshasyna kelgen hattarǵa jaýap berip jatyr

ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Feısbýk áleýmettik jelisinde  5 kúnniń ishinde 100-den asa hat aldy, dep habarlaıdy «QazAqparat» HAA tilshisi.

«Dostar, meniń alǵashqy jazbama qoldaý bildirip jatqandaryńyz úshin alǵys aıtamyn. 5 kúnniń ishinde maǵan 2 myńnan astam adam jazylyp, 100-den astam hat keldi. Hattardyń kóbinde naqty saýaldar qoıylǵan jáne bizdiń agenttiktiń mindetinen tys máseleler de kóterilgen. Olardyń keıbiri qosymsha zertteýdi qajet etedi, bizdiń mamandar ol suraqtarmen qazirdiń ózinde aınalysýda. Jeke saýaldarǵa jyldam jaýap berý múmkindigi týyp otyr. Hattar qaralymynyń qorytyndylary sizderge jiberiletin bolady»,-dep jazdy A.Shpekbaev óziniń Feısbýktegi paraqshasyna.

Ol sonymen qatar agenttikke jumysqa turǵysy keletinderden kóptegen hattar kelgenin, agenttikke qyzmetke ornalasqysy keletin adam jalpy baıqaý aıasynda ǵana irikteýden óte alatynyn aıtady.
«Sizderden suraıtynym, hat jazǵanda barynsha jaýapkershilik tanytqandaryńyz qajet. Kim, qaıda, qashan, qandaı jaǵdaıda degen sııaqty naqty faktilerdi kórsetýińiz qajet. Mundaı jaǵdaıda kez kelgen aqparat artyq bolmaıdy. Naqty faktilermen betpe-bet kelip qalsańyz saýalyńyzdy meniń jeke elektrondyq mekenjaıyma [e-mail] jiberińiz»,-dep jazady agenttik basshysy.