Alık Shpekbaev BUUDB turaqty ókiliniń orynbasarymen kezdesti

ASTANA. Qazaqparat - Qazaqstandaǵy BUUDB turaqty ókiliniń orynbasary mıssııasynyń aıaqtalýyna baılanysty Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń basshysy Alık Shpekbaev pen Mýnhtýeı Altangerel hanymnyń kezdesýi ótti, dep habarlaıdy «QazAqparat» HAA vedomstvo baspasóz qyzmetine siltememen.

Kezdesý barysynda A. Shpekbaev BUU Damý Baǵdarlamasyn Qazaqstanda memlekettik qyzmet, sybaılas jemqorlyqqa qarsy kúres jáne memlekettik qyzmet kórsetý salasynda júrgizilip jatqan reformalarǵa belsendi qoldaý kórsetkeni úshin alǵys aıtty.

Óz kezeginde M. Altangerel hanym Qazaqstanda kásibı memlekettik apparat qalyptasqanyn atap ótti. Sondaı-aq, jemisti ekijaqty yntymaqtastyq úshin alǵys bildirdi.

Kezdesý qorytyndysynda agenttik BUUDB turaqty ókiliniń orynbasaryna aldaǵy qyzmetinde tabys tiledi.