Alık Shpekbaev azamattardyń suraqtaryna jaýap beredi
ASTANA. QazAqparat - Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń qatysýymen búgin, Astana ýaqyty boıynsha saǵat 15.00-den 17.00-ge deıin ınternet-konferentsııa ótedi, dep habarlaıdy QazAqparat.
Agenttik tóraǵasy sybaılas jemqorlyqtyń aldyn alý, memlekettik qyzmetke qabyldaný jáne qyzmet etý, qyzmettik ádepti saqtaý jáne memlekettik qyzmet kórsetý sapasyn arttyrý máseleleri boıynsha suraqtarǵa jaýap beretin bolady.
Internet-konferentsııa «Ashyq dıalog» portalynda naqty ýaqyt rejıminde ótedi.
Suraq qoıý úshin kyzmet.gov.kz mekenjaıy boıynsha agenttiktiń saıtyna nemese dialog.egov.kz veb-torabyna kirip, «Internet-konferentsııa» bólimin tańdaý qajet.
