Alık Shpekbaev apta saıyn jeke qabyldaý ótkizedi

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń tóraǵasy Alık Shpekbaev apta saıyn jeke qabyldaý ótkizetin boldy. Bul týraly QazAqparat Agenttiktiń baspasóz qyzmetine silteme jasap habarlaıdy.

Sybaılas jemqorlyqqa qarsy qyzmet atalǵan kezeńde azamattardyń jeke máseleleri boıynsha 621 qabyldaý ótkizdi.

«Tóraǵa ótinishterdi ýaqtyly qaraý mańyzdylyǵyn eskere otyryp, óziniń azamattardy jeke qabyldaý sanyn aıyna 1-eýden apta saıynǵy qabyldaýǵa kóbeıtý, al tóraǵanyń orynbasarlary, qurylymdyq jáne aýmaqtyq bólimsheler basshylarynyń kúndelikti negizde qabyldaýytýraly sheshim shyǵardy. Budan bólek, jurtshylyqpen tikeleı jáne keri baılanys úshin Call-ortalyq 1424 turaqty túrde jumys jasaýda, onda azamattarǵa aqparattyq-konsýltatsııalyq qoldaý kórsetiledi. «Elektrondy úkimet» portalynda Tóraǵanyń jeke blogy, Agenttiktiń jáne tóraǵanyń, aýmaqtyq departamentter men olardyń basshylarynyń áleýmettik jelilerdegi paraqshalary, sondaı-aq Tóraǵanyń jeke elektrondy poshtasy jumys isteıdi»,- delingen habarlamada.

Sondaı-aq, búgingi kúnnen bastap Agenttik basshylyǵy «Ashyq dıalog» portalynda onlaın rejıminde azamattardy qyzyqtyratyn máseleler boıynsha aı saıyn ınternet-konferentsııalar ótkizetin bolady.