Alık Shpekbaev áleýmettik jelide jeke paraqshasyn ashty
«Qurmetti dostar! Feısbýk jaı ǵana áleýmettik jeliden artyq. Ol bolmaǵanda búgingi kúni qoǵam ómiriniń ár túrli ózekti máselelerine obektıvti kózqaraspen senýge qıyn. Ásirese basqarý sheshimderin qabyldaıtyn adamdar úshin mańyzdy», - dep jazdy A.Shpekbaev.
Agenttik basshysy ózine jáne óziniń áriptesterine memlekettik qyzmet, memlekettik qyzmetti kórsetý sapasyn baǵalaý jáne baqylaý, sybaılas jemqorlyqqa qarsy is-qımyl salalaryndaǵy saıasatty júzege asyrý boıynsha jaýapty mıssııanyń júktelgenin jetkizdi.
«Biraq aldaǵy ýaqytta bastaǵan isti odan ári jetildirý úshin kúsh biriktirý qajet. Osy tapsyrmany Elbasy basym baǵyttardyń biri retinde aıqyndap berdi. Búgingi kúni kreatıvti oılaıtyn jáne qoǵam sanasyn ózgertýge qushtar adamdardyń kómegi qajet. Feısbýk alańy árbireýdiń usynysyn estý úshin jaqsy múmkindik berip otyr. Sondyqtan men jeke paraqshamdy ashýdy uıǵardym», - deıdi A.Shpekbaev.
Osydan keıin agenttik tóraǵasy ózi basqaryp otyrǵan salaǵa qatysty barlyq usynystardy alik.shpekbaev@gmail.com jeke elektrondy poshtaǵa jazýǵa úndedi. «Dostar, osy baǵyt boıynsha nátıjeli jumys qurý úshin, ótinishter, aryz-shaǵymdar úshin «Ashyq dıalog» portalyndaǵy blogym jumys isteıtiniń esterińizge salamyn. Biz sybaılas jemqorlyqtan azat qoǵamnyń qurylýyna jáne bedeldi halyq qyzmetshileriniń korpýsynyń qalyptasýyna birdeı múddeli ekenimizge senim bildiremin», - dep atap kórsetti A.Shpekbaev.
Aıta keteıik, jaqynda Memleket basshysy Nursultan Nazarbaev Alık Shpekbaevt i Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy qyzmetine taǵaıyndaǵan bolatyn. Oǵan deıin agenttikti basqarǵan Qaırat Qojamjarov Bas prokýror qyzmetine aýysty.
