Álıhan Jamsatov - Prezıdent Ákimshiligi Memlekettik baqylaý bóliminiń meńgerýshisi

ASTANA. KAZINFORM – Álıhan Jamsatov Prezıdent Ákimshiligi Memlekettik baqylaý bóliminiń meńgerýshisi bolǵany habarlandy.

- Memleket basshysynyń ókimimen Álıhan Qaıyrgeldiuly Jamsatov Qazaqstan Respýblıkasy Prezıdenti Ákimshiliginiń Memlekettik baqylaý bóliminiń meńgerýshisi laýazymyna taǵaıyndaldy, - dep jazylǵan Aqordanyń resmı saıtynda.

Álıhan Qaıyrgeldiuly 1983 jyly Pavlodar oblysynda týǵan.

Bilimi:

Qazaq memlekettik zań akademııasy, quqyqtaný (2004);

S. Toraıǵyrov atyndaǵy Pavlodar memlekettik ýnıversıteti, qurylys (2012);

L. Gýmılev atyndaǵy Eýrazııa ulttyq ýnıversıteti, saıasattaný (2014).

Eńbek joly:

«Energotsentr» AQ, Pavlodar q. – zańger-keńesshi (2004–2005);

Aqsý qalasy ákiminiń apparaty, Pavlodar oblysy – bas mamannyń m.a., bas maman, zańger (2005–2006);

Pavlodar oblysynyń qarjy departamenti – bas maman; kásipkerlik jáne ónerkásip departamenti – bólim bastyǵy (2006–2008);

«Group of Financial Analytics» JShS – dırektordyń orynbasary; «SPK «Ertis» UK» AQ-nyń Pavlodar oblysy boıynsha departamentiniń menedjeri, Semeı q. (2008);

QR Parlamentiniń sharýashylyq basqarmasy – bas sarapshynyń m.a., bas sarapshy, basqarma bastyǵy (2008–2012);

QR Memlekettik qyzmet isteri agenttigi – bólim bastyǵynyń orynbasary, bólim bastyǵy (2012–2014);

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departamenti – basshynyń orynbasary (2014–2015);

QR Parlamentiniń sharýashylyq basqarmasy (MTQ basqarmasy) – basshynyń orynbasary (2015–2019);

QR Prezıdenti Іs basqarmasy resmı is-sharalar jáne syrtqy baılanystar bóliminiń meńgerýshisi (2019–2022).

2022 jylǵy sáýirden bastap QR Prezıdenti Іs basqarmasynyń «Materıaldyq-tehnıkalyq qamtamasyz etý basqarmasy» memlekettik mekemesiniń basshysy boldy.

Aıta keteıik, Baqytjan Sapıev Prezıdenttiń keńesshisi boldy.