Álıhan Smaıylov jumys saparymen Sochı qalasyna bardy

SOChI. QazAqparat – Premer-Mınıstr Álıhan Smaıylov Eýrazııalyq ekonomıkalyq odaq (EAEO) jáne Táýelsiz memleketter dostastyǵy (TMD) aıasynda ótetin birqatar is-sharaǵa qatysý úshin jumys saparymen Sochı qalasyna (RF) bardy. QazAqparat bul týraly Úkimet basshysynyń baspasóz qyzmetine silteme jasap habarlaıdy.

Eýrazııalyq úkimetaralyq keńes otyrysy aıasynda:

- qatysýshy elderdiń saýda-ekonomıkalyq yntymaqtastyǵyn;

- kólik ınfraqurylymyn damytý;

- temirjoldaǵy júk tasymaldaryn tsıfrlandyrý;

- EAEO sheńberinde klımattyq jáne tsıfrlyq kún tártibin júzege asyrý máselelerin talqylaý josparlanyp otyr.

TMD Úkimet basshylary keńesiniń otyrysy barysynda Dostastyqtaǵy ekonomıkalyq ózara is-qımyldyń ózekti máseleleri boıynsha talqylaý ótedi. Sonymen qatar ónerkásiptik kooperatsııany damytý jáne yntymaqtastyqtyń birqatar ózekti baǵyty boıynsha birlesken sharalardy iske asyrý máselelerin qaraý josparlanǵan. Іs-sharalar alańynda Álıhan Smaıylov ekijaqty kezdesýler ótkizedi dep kútilýde.