Álıhan Smaıylov «Jas maman» baǵdarlamasyn júzege asyrýǵa qatysty túsinik berdi
«Jas maman» baǵdarlamasy júzege asyrylatyn bolady. Qazirgi ýaqytta osy baǵdarlamany júzege asyrý úshin Bilim jáne ǵylym mınıstrligi tarapynan qajetti erejeler ázirlenbegen. ıAǵnı daıyn bolǵan kezde tıisti qarjy bólinedi», - dedi Álıhan Smaıylov Senatta tilshiler saýalyna jaýap bere otyryp.
Aıta keteıik, 9 qazanda Parlament Májilisiniń jalpy otyrysynda «2019-2021 jyldarǵa arnalǵan respýblıkalyq bıýdjet týraly» QR Zańyna ózgerister engizý týraly» zań jobasyn talqylaý kezinde «Jas maman» jobasynyń oryndalýy barysyna nazar aýdaryldy.
Belgili bolǵandaı, jobany júzege asyrýdyń tártibin aıqyndaıtyn Ereje ýaqtyly bekitilmegendikten, ol boıynsha qarjyny qysqartý eskerilgen.
QR Parlamenti Májilisiniń tóraǵasy Nurlan Nyǵmatýlın jyl basynda, ıaǵnı Jastar jylynyń ashylýy rásiminde Elbasy «Jas maman» baǵdarlamasyn daıyndaý úshin Úkimetke tıisti tapsyrmalar bergenin eske saldy. Alaıda osy baǵyttaǵy qajetti sharalar iske asyrylmaǵan. Osy oraıda, Májilis tóraǵasy qujatty daıyndaý men kelisýdiń uzaq rásimderin synǵa aldy.
«Tapsyrmany oryndamaýdyń sebebiniń ózi narazylyq týdyrady, ıaǵnı bul jaǵdaı baǵdarlamany júzege asyrý tártibin daıyndaý men kelisý kezindegi jaı ǵana qaǵazbastylyqpen túsindirilip otyr. Bir qujatty kelisý sharalaryna 9 aı merzim jumsalǵan. Bir ǵana buıryqty daıyndaýǵa osynshama ýaqyt ketti. Meniń oıymsha, bul jaıt jastardyń múddesin qamtıtyn mańyzdy baǵdarlamany júzege asyrý kezine bıýrokratııalyq áýre-sarsańnyń jarqyn úlgisin kórsetip otyr. «Jastar jyly» bolsa aıaqtalýǵa taıap qalǵanda, sizder endi ǵana oıanyp jatyrsyzdar», - dedi Nurlan Nyǵmatýlın.
