Álıhan Smaıylov: Úkimettiń atqaryp otyrǵan jumysyn halyqqa júıeli túsindirý mańyzdy
«Birinshi. Ulttyq ekonomıka mınıstrligi múddeli memlekettik organdarmen jáne ákimdiktermen birge baǵdarlamadaǵy is-sharalardyń sapaly oryndalýyn qamtamasyz etsin. Ekinshi. Indýstrııa, Aýyl sharýashylyǵy, Energetıka jáne taǵy basqa mınıstrlikter men ákimdikter turaqty jumys oryndaryn qurý úshin ónim óńdeý salasynda ınvestjobalardy iske asyrý, shaǵyn jáne orta bıznesti damytý máselelerin pysyqtasyn», - dedi Álıhan Smaıylov búgin Úkimet otyrysynda.
Úkimet basshysy úshinshiden, Eńbek mınıstrligine memlekettik organdarmen jáne ákimdiktermen birlesip, eńbek tabysyndaǵy aıyrmashylyqty azaıtý jónindegi is-sharalardyń oryndalýyn baqylaýdy tapsyrdy.
«Tórtinshi. Tıisti memlekettik organdar, «Samuryq-Qazyna» qory, ákimdikter jumyskerler jalaqysyn ulǵaıtýdy, sondaı-aq bıýdjettik qyzmetkerlerdiń ortasha jalaqysyn arttyrýdy qamtamasyz etsin. Besinshi. Ulttyq ekonomıka mınıstrligi halyqtyń tabysyn arttyrý úshin negizgi kapıtalǵa ınvestıtsııa tartý jáne jumys oryndaryn ashýǵa negizdelgen KPI boıynsha memlekettik organdardyń, barlyq deńgeıdegi ákimdikterdiń tıimdiligi men reıtıngin baǵalaýdy qamtamasyz etsin. Halqymyzǵa Úkimettiń atqaryp otyrǵan jumysyn júıeli túsindirý asa mańyzdy. Aqparattyq jumys barsha memlekettik organdardyń basty nazarynda bolýy tıis», - dedi Premer-Mınıstr.
