Álıhan Smaıylov syrtqy saýda saıasaty máseleleri jónindegi VAK otyrysyna qatysty

NUR-SULTAN. QazAqparat – Qazaqstan Respýblıkasy Premer -Mınıstriniń birinshi orynbasary Á. Smaıylovtyń basshylyǵymen ótken Syrtqy saýda saıasaty jáne halyqaralyq ekonomıkalyq uıymdarǵa qatysý jónindegi vedomstvoaralyq komıssııa otyrysynda ınflıatsııaǵa qarsy áreket etý jáne eldiń ishki ekonomıkasyn qoldaý maqsatynda daıyn ónim óndirýge qajetti taýarlar men shıkizatty eksporttaýǵa birqatar tyıym salý týraly sheshim qabyldandy.

Et pen et ónimderiniń ishki naryqtaǵy baǵasyn turaqtandyrý, sondaı-aq mal basyn kóbeıtý maqsatynda Qazaqstan Respýblıkasynyń Úkimeti iri qara men usaq maldyń asyl tuqymdy túrlerin eksporttaýǵa tyıym salýdy uzartty. Munymen qosa, shıkizattyń jetispeýshiliginen búginde elimizdegi karton jáne qaǵaz ónerkásibi kásiporyndary shıkizat retinde qaıta óńdeletin qaǵazdy, kartondy jáne makýlatýrany paıdalanady.

Osyǵan baılanysty ishki naryqta shıkizat tapshylyǵynyń aldyn alý úshin Úkimet 6 aıǵa osyndaı taýarlardy elden áketýge ýaqytsha tyıym salady.

Sondaı-aq Qazaqstanda otandyq jıhaz jáne aǵash óńdeý ónerkásibi óndirýshilerin qoldaý maqsatynda DSP eksportyn shekteý týraly sheshim qabyldandy. Іshki naryqtaǵy tapshylyqty joıý jáne benzın, dızel otyny men munaı ónimderiniń keıbir túrleriniń baǵasyn turaqtandyrýdy qamtamasyz etý úshin Úkimet bul taýarlardyń eksportyna tyıym salý boıynsha sheshimin uzartty.