Álıhan Smaıylov sý tasqynyna daıyndyq týraly: Mınıstrlik pen ákimdikter jaýapkershilikti bir-birine siltep júr
NUR-SULTAN. QazAqparat – Úkimet otyrysynda kóktemdegi yqtımal tasqyndarǵa daıyndyq sharalary talqylandy, dep habarlaıdy QazAqparat tilshisi.
Premer-Mınıstr Álıhan Smaıylov tasqynǵa qarsy daıyndyq máselesinde ákimdikter men Tótenshe jaǵdaılar mınıstrliginiń arasynda úılesken jumys joqtyǵyn synǵa aldy.
«Naýryz aıy qalypty normadan jyly bolady degen boljam bar. Demek, qardyń kúrt erýinen eldiń birqatar óńirindegi jaǵdaı qıyndap ketýi múmkin. Keıbir aımaqtardaǵy jaǵdaı jyldan-jylǵa qaıtalanyp keledi. Bul birinshi kezekte Tótenshe jaǵdaılar mınıstrligi men jergilikti bılik arasyndaǵy jaýapkershilikti bir-birine silteý máselesine qatysty bolyp otyr», - dedi úkimet basshysy.
Onyń paıymynsha, sý tasqynynyń aldyn alý jáne odan keletin shyǵyndardy azaıtý ákimdikterdiń júıeli jumysyna tikeleı baılanysty.
«Ákimdikter kúndelikti qar shyǵarý, ýaqytsha bógetterdi salý jumystaryn ýaqtyly jurigzýi tıis. Tótenshe jaǵdaılarǵa jergilikti bıýdjetterde jetkilikti qarajat qarastyrylýy kerek. Sý tasqynynyń aldyn alýǵa qatysty búkil máselelerdi ákimdikter qatań baqylaýdǵa ustaýǵa tıis», - dedi Álıhan Smaıylov.
