Álıhan Smaıylov ShQO-daǵy kenishterdiń sarqyla bastaǵanyna alańdaýshylyq bildirdi

ASTANA. QazAqparat – Premer-Mınıstr Álıhan Smaıylov Shyǵys Qazaqstandaǵy iri kenishterdiń sarqyla bastaǵanyna alańdaýshylyq bildirdi, dep habarlaıdy QazAqparat tilshisi.

«Elimiz óziniń tabıǵı artyqshylyǵyn tolyqtaı paıdalana almaı otyr. Sońǵy jyldary paıdaly qazbalardyń kóptegen túri boıynsha jańa qorlardy ashý jumystary mardymsyz júrýde. Mysaly, taıaý onjyldyqta Shyǵys Qazaqstanda Orlov, Maleev, Tıshınskoe jáne Rıdder-Sokolnoe sııaqty iri metall ken oryndary sarqylady», - dedi Úkimet basshysy.

Onyń paıymynsha, ónerkásip shıkizatyna suranystyń ósýi jańa ken oryndaryn izdep-taýyp, mıneraldyq-shıkizat bazasyn keshendi damytýdy talap etedi.

«Osyǵan baılanysty geologııalyq barlaý salasyna ınvestıtsııalar tartý úshin tıisti jaǵdaı jasaý qajet. Investorlarǵa keshendi servıstik qoldaý kórsetý maqsatynda Ulttyq geologııalyq qyzmet quryldy», - dedi Álıhan Smaıylov.

Foto: primeminister.kz