Álıhan Smaıylov Shanhaıda ótken halyqaralyq ımport kórmesiniń ashylýyna qatysty
Á.Smaıylov Qazaqstannyń ekonomıkalyq jáne ınvestıtsııalyq áleýetin kórsetý maqsatynda QHR Saýda mınıstrligi usynǵan Shanhaı kórmesindegi Qazaqstan Respýblıkasynyń ulttyq jáne saýda pavılondaryn aralady.
Bıylǵy 13 maýsymda Bishkekte ótken ShYU-ǵa múshe memleketter basshylarynyń 19-otyrysyna qatysý aıasynda bolǵan Qazaqstan Respýblıkasynyń Prezıdenti Qasym-Jomart Toqaev pen QHR Tóraǵasy Sı Tszınpın arasyndaǵy kelissózder barysynda Qytaı tarapy Qazaqstandy qarasha aıynda ótetin 2-shi Qytaı halyqaralyq ımport kórmesine qurmetti qonaq retinde qatysýǵa shaqyrǵan bolatyn.
Shanhaı kórmesinde Qazaqstan Respýblıkasy ulttyq stendti eldiń ekonomıkalyq jáne ınvestıtsııalyq áleýetin kórsetti.
Qazaqstan Respýblıkasynyń Ulttyq pavılonynda ınvestıtsııalyq, saýda, bıznes jáne týrızm salasyndaǵy eldiń múmkindikterin tanystyrý úshin segiz iri kompanııa, onyń ishinde «Kazakh Invest» UK AQ, «Samuryq-Qazyna»,« Báıterek», AIFC, «Astana Expo –2017 », «Kazakh Export», SSDO «Qaztrade», «KazakhTourism» jáne «Qorǵas» ShYHO kórsetilgen.
Shanhaı ımport kórmesindegi 180 sharshy metr aýmaqty alatyn elimizdiń pavılonynda qazaqstandyq ónimderdi elimizdiń tamaq jáne aýyl sharýashylyǵy salalarynyń 30 kompanııasy usyndy.
Kórme barysynda birqatar eksporttyq kelisimsharttarǵa qol qoıyldy.
Ótken jyly Shanhaıda ótken 1-shi Qytaı halyqaralyq ımport kórmesine 130 elden astam kelgen 3 myńnan astam kompanııa qatysty. Onyń eki júzi álemdegi 500 iri kásiporyndardyń tiziminde.
270 myń sharshy metrdi quraıtyn kórmeniń jalpy alańynda 5 myńǵa jýyq túrli buıymdar men tehnologııalar usynyldy. Іs-sharaǵa 18 memleket pen úkimet basshysy jáne 160 myńǵa jýyq satyp alýshy qatysty.
Foto: facebook.com/minfingovkz