Álıhan Smaıylov RF Úkimetiniń tóraǵasy Mıhaıl Mıshýstınmen telefon arqyly sóılesti

NUR-SULTAN. QazAqparat - Qazaqstan Respýblıkasynyń Premer-Mınıstri Álıhan Smaıylov Reseı Federatsııasy Úkimetiniń Tóraǵasy Mıhaıl Mıshýstınmen telefon arqyly sóılesti.

Eýrazııalyq ekonomıkalyq odaq aıasyndaǵy ekijaqty saýda-ekonomıkalyq yntymaqtastyq pen ózara is-qımyldyń ózekti máseleleri talqylandy, dep habarlaıdy QazAqparat Úkimettiń resmı saıtyna silteme jasap.

COVID-19-dyń taralýyna qarsy kúres jáne eki eldiń ekonomıkasy úshin pandemııanyń teris saldaryn joıý jónindegi birlesken sharalarǵa erekshe nazar aýdaryldy. 2021 jyldyń 11 aıynyń qorytyndysy boıynsha QR men RF arasyndaǵy ekijaqty saýda-sattyq 30%-ǵa artyp, $21,8 mlrd-qa jetti. Pandemııaǵa deıingi 2019 jylmen salystyrǵanda saýda kólemi 21%-ǵa ósti.