Álıhan Smaıylov reseılik áriptesi Mıhaıl Mıshýstınmen kezdesti
MÁSKEÝ. QazAqparat – Qazaqstan men Reseı yntymaqtastyqtyń barlyq basym baǵyttary boıynsha ekijaqty baılanystardy nyǵaıtýǵa daıyn. Bul týraly Premer-Mınıstr Álıhan Smaıylovtyń Reseı Federatsııasy Úkimetiniń Tóraǵasy Mıhaıl Mıshýstınmen kezdesýinde aıtyldy, dep habarlaıdy QazAqparat Úkimettiń baspasóz qyzmetine silteme jasap.
«Máskeýde ekinshi Kaspıı ekonomıkalyq forýmy aıasynda Qazaqstan Respýblıkasynyń Premer-Mınıstri Álıhan Smaıylov Reseı Federatsııasy Úkimetiniń Tóraǵasy Mıhaıl Mıshýstınmen kezdesti.
Taraptar saýda-ekonomıkalyq yntymaqtastyqty damytýdyń jaı-kúıin, ónerkásip jáne munaı-gaz salalaryndaǵy ózara is-qımyldy talqylady, sondaı-aq óńirlik kún tártibindegi ózekti máseleler boıynsha pikir almasty.
Kelissóz qorytyndysy boıynsha Úkimet basshylary yntymaqtastyqtyń barlyq basym baǵyttary boıynsha ekijaqty baılanystardy nyǵaıtýǵa daıyn ekendikterin aıtty», - delingen habarlamada.
Foto: primeminister.kz
