Álıhan Smaıylov Prezıdent tapsyrmalaryn oryndaýǵa qarajat qaıdan alynatyndyǵyn aıtty
NUR-SULTAN. QazAqparat - QR Prezıdentiniń azamattardyń borysh júktemesin azaıtý tapsyrmasy tikeleı ınvestıtsııalar qoryna kózdelgen qarajattyń bir bóligi esebinen iske asyrylady. Bul týraly búgin Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.
"Qazaqstandyqtardyń ál-aýqatyn arttyrý jáne áleýmettik máselelerdi sheshý boıynsha Memleket basshysynyń tapsyrmalaryn, sondaı-aq 26 maýsymdaǵy Qazaqstan azamattarynyń borysh júktemesin azaıtý sharalary týraly Jarlyǵyn iske asyrý úshin 2019 jylǵa arnalǵan respýblıkalyq bıýdjetti naqtylaý jobasy ázirlendi. Naqtylaýda aǵymdaǵy jyldyń sáýir aıynda túzetilgen 2019 jylǵa arnalǵan eldiń áleýmettik-ekonomıkalyq damý boljamyn saqtaı otyryp ózgertý usynylady", - dedi ol.
Onyń dereginshe, 2019 jylǵa arnalǵan bıýdjettiń negizgi parametrleri ózgerissiz qalady. Túsimder 10 trln 569 mlrd teńge, shyǵystar 11 trln 933 mlrd teńge, tapshylyq 1 trln 365 mlrd teńge nemese JІÓ-ge 2,1 paıyz bolady.
"Prezıdent tapsyrmalaryn qarjylyq qamtamasyz etý Tikeleı ınvestıtsııalar qoryn qorýǵa kózdelgen qarajattyń bir bóligin qaıta bólý esebinen iske asyrylatyn bolady.
