Álıhan Smaıylov pen Vagıt Alekperov munaı-gaz salasyndaǵy jobalardy talqylady

ASTANA. QazAqparat – QR Premer-Mınıstri Álıhan Smaıylov Reseı ónerkásipshileri men kásipkerleri odaǵy energetıka saıasaty jáne energııalyq tıimdilik jónindegi komıtetiniń tóraǵasy Vagıt Alekperovpen kezdesti, dep habarlaıdy QazAqparat Úkimettiń baspasóz qyzmetine silteme jasap.

Taraptar geologııalyq barlaý júrgizý jáne munaı ken oryndaryn ıgerý, sondaı-aq burǵylaý qondyrǵylaryn jańǵyrtý, logıstıka jáne salyq salý boıynsha birlesken jobalardy iske asyrý máselelerin talqylady.

Álıhan Smaıylov Qazaqstan Úkimeti birlesken jumysty jalǵastyrýǵa jáne yntymaqtastyqtyń jańa yqtımal baǵyttaryn aıqyndaýǵa daıyn ekenin atap ótti.

Óz kezeginde Vagıt Alekperov Qazaqstan aýmaǵynda ınvestıtsııalardy odan ári keńeıtýge jáne jańa jobalardy ázirleýge múddeli ekenin aıtty.