Álıhan Smaıylov órt sóndirip júrip kóz jumǵan Arslan Qurmanbekovtiń týystaryna kóńil aıtty
«Qazgıdromet boljamynsha bıylǵy jaz mezgili jyldaǵydan ystyq ári qurǵaq bolady dep kútilip otyr. Ásirese, elimizdiń batysy men shyǵysynda jáne ońtústiginde órt qaýpi kúsheıýi múmkin. Sondyqtan, tótenshe jaǵdaılardyń aldyn-alýǵa basa kóńil bólý kerek. Qazirdiń ózinde keı óńirde kúrdeli jaǵdaı qalyptasyp otyr», - dedi Úkimet basshysy.
Premer-Mınıstr ótken aptada Qazaqstannyń soltústiginde jáne Reseıdiń shekaralas aımaqtarynda bolǵan órttiń tútini elordaǵa deıin jetkenin atap ótti.
«Al tabıǵı órtterge qarsy daıyndyq sharalary talapqa saı bolmaı tur. Biz munyń qaıǵyly jaǵdaılarǵa ákelip soǵatynyn kórip otyrmyz. Máselen, ótken aptada ǵana Іle Alataýy ulttyq parkinde bolǵan órtti sóndirý kezinde serjant Arslan Qurmanbekov qaza tapty. Úkimettiń jáne jeke óz atymnan marqumnyń týystary men jaqyndaryna kóńil aıtamyn. Tótenshe jaǵdaılar mınıstrligi men Almaty qalasynyń ákimdigi qaıtys bolǵan serjanttyń otbasyna kómek kórsetýi qajet», - dedi Álıhan Smaıylov.
Eske sala keteıik, búgin tańerteń Prezıdent Jarlyǵymen Almaty irgesindegi órt kezinde qaza tapqan órt sóndirýshi Arslan Qurmanbekov ІІІ dárejeli «Aıbyn» ordenimen marapattaldy.
