Álıhan Smaıylov óńirlerdegi turaqtandyrý qorynyń tıimdiligi týraly aıtty

NUR-SULTAN. QazAqparat – Premer-Mınıstrdiń birinshi orynbasary – Qarjy mınıstri Álıhan Smaıylov aımaqtardaǵy turaqtandyrý qorynyń tıimdiligin paıdalanýǵa, dep habarlaıdy QazAqparat tilshisi.

«Bizdegi mańyzdy máselelelerdiń biri – azyq-túlik taýarlarynyń baǵasynyń turaqtylyǵyn saqtaý. Ókinishke qaraı, buǵan deıin aıtylǵanyndaı, ótken jyldyń qorytyndysy boıynsha azyq-túlik taýarlarynyń baǵasy qymbattady, atap aıtqanda 9,6 paıyzǵa kóterildi. Bul jaǵdaı álbette, azamattardyń satyp alý múmkindigine yqpalyn tıgizedi. Mundaı jaǵdaıda baǵanyń ósimine jol bermeıtindeı júıeli ári naqty sharalardy qabyldaý kerek», - dedi Á.Smaıylov elordada ótken Saýda jáne ıntegratsııa mınıstrliginiń keńeıtilgen otyrysynda.

Máseleni sheshý úshin Qarjy mınıstri óńirlerde azyq-túlik ónimderin saqtaý jáne satý boıynsha kóterme-taratý ortalyqtaryn qurýǵa bolatynyn aıtyp ótti.

«Nátıjege qol jetkizý kerek. Sol sebepti, mınıstrlik ákimdiktermen birlesip, bul baǵyttaǵy jumysty kúsheıtýi kerek. Aımaqtardaǵy turaqtandyrý qorlarynyń jumys tıimdiligin kóterý jumysy jetkilikti deńgeıde belsendi bolmaı tur. Ákimdikter óz kezeginde aýyl sharýashylyǵy mınıstrligimen aýyl sharýashylyǵy ónimderi naryǵy boıynsha mindetterdi naqty bólip alýy kerek. Eger aýyl sharýashylyǵy óndirýshiler memleketten qoldaý bolsa, belgili bir taýarlardy olar ishki naryqta qoljetimdi baǵamen berýi kerek», - dedi ol.